THB YALAANI MAUAJI YANAYOENDELEA NCHINI

-

 Muhtasari: Tume ya haki za binadamu na utawala Bora nchini (THBUB) imelaani mauaji ya watu yanayoendelea nchini na kuwatwisha jukumu la kukomesha mauaji hayo jeshi la polisi, viongozi wa serikali za mitaa, viongozi wa dini asasi za kiraia, vyombo vya habari na wananchi wenyewe.

Na Mwandishi Wetu, Dodoma 

Dodoma. Mwenyekiti wa Tume ya haki za binadamu na utawala Bora nchini (THBUB) Jaji Mstaafu Mathew Mwaimu amesema tume hiyo inalaani mauaji ya watu yanayoendelea nchini na kuitaka jamii kuishi kwa kufuata sheria na kuheshimu haki ya msingi ya kila mtu kuishi.

Jaji Mwaimu ametoa kauli hiyo leo Ijumaa, Agosti 30, 2024 wakati akizungumza na waandishi wa habari kuhusu matukio ya mauaji kwa watu ya ayoendelea nchini Jijini Dodoma.

Jaji Mwaimu amesema kuwa hivi karibuni kumekuwa na ongezeko la mauaji ya kutisha ambayo yanaendelea nchini ambayo yameripotiwa na vyombo vya habari na jeshi la polisi na kwamba tume hiyo inalaani matukio hayo na kuzitaka mamlaka zinazohusika kuchukua hatua ili kukomesha matukio hayo.

Amesema tume hiyo inalaani wimbi la mauaji ya ayoendelea hapa nchini kutokana na baadhi ya wananchi kujichukulia sheria mkononi na kusababisha mauaji ya kikatili katika maeneo mbalimbali nchini.

Amesema matukio hayo yamekuwa yaliripotiwa na vyanzo mbalimbali vya taarifa hususani vyombo vya habari na taarifa zinazotoka kwenye jeshi la polisi nchini.

"Pamoja na serikali na wadau kulaani vitendo hivyo mauaji hayo yameendelea kushika kasi licha ya jeshi la polisi kufanya jitihada za kuwakamata watuhumiwa na kuwafikisha kwenye vyombo vya sheria," amesema Jaji Mwaimu.

Mwenyekiti huyo amesema baada ya kufuatilia mauaji hayo tume imebaini kujengewa tabia za baadhi ya wananchi kutozingatia sheria za nchi na kujichukulia sheria mkononi na kwamba vitendo vya mauaji vilivyotokea mfululizo hivi karibuni vimetokana na ukatili dhidi ya binadamu.

"Katika baadhi ya mauaji yaliyotokea kuna viashiria vya ulipaji kisasi, wivu wa kimapenzi, imani za kishirikina na baadhi ya wananchi wanajenga dhamankuwa wanaweza kutenda uovu na wasiweze kukamatwa na wananchi hawana Imani na vyombo vya usimamizi wa sheria na haki na uwepo wa wananchi wasiopenda kufanya kazi halali na hivyo kuwa na tamaa ya mali," amesema Jaji Mwaimu.

Amesema kutokana na mauaji hayo ya kikatili Tume inatamka kwamba vitendo vya mauaji yaliyotokea hivi karibuni ni ukiukwaji wa haki ya kuishi kama ilivyotamkwa kwenye ibara ya 14 ya katiba ya Jamhuri ya muungano wa Tanzania na hivyo inalaani vikali vitendo hivyo.

Amesema ili kukomesha mauaji hayo tume inapendekeza jeshi la polisi liendelee kuchukua hatua mahsusi kuimarisha mifumo ya ulinzi kwenye maeneo ya wananchi ili kuwezesha upatikanaji wa taarifa za mapema kuhusu kuwepo kwa viashiria vya uvunjifu wa sheria vinavyopelekea kuwepo mauaji na vitendo vya ukatili kabla matukio hayo kutokea kwa kushirikiana na wananchi  katika maeneo husika ili kusaidia ulinzi na usalama wa raia.

"Pia jeshi la polisi liendelee kuchukua hatua ili kuhakikisha watu wote wanaohusika na mauaji hayo wanakamatwa ili sheria ichukue mkondo wake na mamlaka za serikali za mitaa tume inapendekeza mamlaka hizo katika ngazi zote ziwe na Mipango madhubuti za kuhakikisha zinakiwepo taratibu za kuimarisha ulinzi na usalama wa raia kwa kushirikiana na jeshi la polisi katika maeneo yao ikiwa ni pamoja na kuchukua hatua za mapema katika kushughulikia matukio ya uhalifu kwa kushirikiana na mamlaka husika kuhusu masuala ya kijamii yanayojitokeza kwenye mitaa yao," amesema.

Kuhusu viongozi wa dini tume imewataka kuongeza nguvu katika utoaji wa elimu ya dini za maadili na kukemea uovu unaotokea nchini na kuwataka wananchi kujengabutamaduni wa kuheshimu sheria za nchi na haki za binadamu kwa wengine kwa kutambia kwamba namna bora ya kupata suluhu ya migogoro inayowakabili katika ngazi zote za jamii ni kushughulikia migogoro hiyo kwa mujibu wa sheria na taratibu zilizowekwa badala ya kujichukulia sheria mkononi.

Amewataka wananchi washirikishe vyombo vya Dola wanapoona maovu yakitendeka ndani ya jamii na kufichua uvunjifu wowote wa sheria na haki za binadamu na kusaidia katika upelelezi wa matukio hayo na wananchi waishio vijijini waendelee utamaduni wa kujuliana hali wanapoamkw asubuhi na linapotokea jambo linaloashiria uvunjifu wa amani ndani ya familia washirikishe vyombo vya Dola ili wazuie madhara ya ayoweza kutokea ikiwemo mauaji.


Amewataka wananchi wakumbuke kulinda utu wa binadamu kwa gharama yoyote kwa kuwa haki ya kuishi ni haki ya msingi kwa kila mtu.

Aidha tume imependkeza asasi za kiraia na vyombo vya habari waendelee kutoa elimu kwa umma kuhusu taratibu zilizopo za namna ya kughulikia masuala mbalimbali ya kijamii pitia sheria na hivyo kulinda haki za binadamu na utu wa mtu.

Mwisho......

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more