POLISI DODOMA KUKABILIANA NA VITENDO VYA UHALIFU

-

Muhtasari: Kutokana na kushamiri kwa matukio ya ukatili Mkoani Dodoma dawati la jinsia na watoto la polisi limekuja na kampeni kabambe ya kupunguza vitendo vya ukatili wa kijinsia na watoto mkoani humo.

Na Mwandishi Wetu, Dodoma 

DAWATI la jinsia na watoto la polisi mkoa wa Dodoma limekutana kwenye kikao kazi maalum cha kujadili matukio ya ukatili yanayoendelea mkoani humo ili kujua namna ya kukabiliana nayo.

Mkuu wa dawati la jinsia Mkoa wa Dodoma ambaye pia ni  mrakibu msaidizi wa jeshi la polisi Christer Kayombo ameyasema hayo leo alhamisi Septemba 17, 2024  kwenye kikao kazi kilichowakutanisha wadau mbalimbali wa kupinga ukatili wa kijinsia na watoto Jijini Dodoma.

Christer amesema wameamua kutoa mafunzo hayo kwa polisi wa dawati la jinsia na watoto  kwa lengo la kuwawezesha kuondoa matukio ya ukatili ambayo yameshamiri katika mkoa wa Dodoma.



“Sisi kama mkoa tuliona ipo haja ya kufanya kitu cha ziada ili kupambana na matendo ya ukatili, tukaamua kuandaa mafunzo haya ili tupate mikakati mipya tutakayo itumia kuondoa hali hii katika mkoa wetu,”amesema Christer. 

Amesema mafunzo hayo yatawawezesha kuwafikia wanafunzi na vijana waliopo katika maeneo mbalimbali ili kuwambia juu ya mambo ambayo yana athari kwao na jamii kwa ujumla


Amesema pamoja na mafunzo hayo pia kuna kampeni mbalimbali ambazo zimeanzishwa na dawati hilo ili kupunguza ukatili kwenye jamii ikiwemo kampeni ya nyumba yangu haina mhalifu ambayo inalenga wanafunzi wa shule za msingi mkoani Dodoma.

Amesema kampeni nyingine inaitwa ‘tuwaambie kabla hawajaharibiwa’  yenye lengo la kuwawezesha wanafunzi  kufahamu na kuepuka tabia hatarishi kama uzinzi, mimba za utotoni, kulatiwa, kubakwa na matumizi ya bangi hivyo kuwawezesha kumaliza masomo yao salama na kupata ufaulu mzuri.

Amesema kampeni hiyo imelenga kuwafikia wanafunzi wa kidato cha kwanza, kidato cha tano, wanafunzi wa mwaka wa kwanza kwenye vyuo vikuu na vyuo vya kati ili kuwasaidia kujiepusha na tabia za uhalifu ambazo zitazima ndoto zao.

Christer amesema mafunzo hayo pia yanalenga kulipatia jeshi la polisi mikakati ya  kubaini sababu za matendo ya ukatili na namna ya kupambana nayo ili kuyaondoa au kuyapunguza  kwa kutumia njia bora ikiwemo kuwakamata wahalifu na  kuwaondoa katika jamii kwa kuwapeleka katika maeneo husika ikiwemo mahakamani.

“Jamii haina budi  kushirikiana  na jeshi la polisi kwa namna mbalimbali ili kuondoa matukio haya ikiwemo kuripoti matukio ya ukatili katika dawati la jinsia na kutoa kila ushirikiano unaohitajika kwa mamlaka husika za kisalama  juu ya matendo ya ukatili pindi yanapotokea,” amesema Christer


Kwa upande wake mwakilishi wa Kamanda wa polisi mkoa wa Dodoma, ambaye ni mkuu wa kitengo cha usalama barabarani mkoa wa Dodoma, Boniface Mbao amesema mafunzo hayo yanafanyika kufuatia ongezeko la matukio ya ukatili katika jamii ikiwemo ubakaji, ulawiti na mauaji hali inayozilazimu mamlaka husika kukaa chini na kutafakari ili kuja na mipango na mikakatai mbalimbali ya kukabilina na matendo haya ili kuyapunguza au kuyaondoa kabisa. 

Mbao amesema mafunzo haya yatawashikisha jeshi la polisi na wadau mbalimbali kwa lengo la kuwajengea uwezo utakaowasaidia kuyafikia makundi mbalimbali katika jamii ili kuyaelimisha juu ya ukatili.

“Mafunzo haya yameandaliwa na wadau mbalimbali kama Doyodo, DSW na wizara ya maendeleo ya jamii wanawake jinsia na makundi maalumu kwa lengo la kuwajengea askari uwezo wa kupambana na ukatili katika jamii,”amesema Mbao.

Amesema mafunzo yanalenga kuwajengea polisi uwezo wa Kwenda kushiriki katika kampeni ya tuwaambie kabla hajawajaharibikiwa ambayo yana lengo la kuyafikia makundi mbalimbali ili kuwafundisha tabia njema na maadili mazuri.

“Kampeni hii inalenga kuyafikia makundi mbalimbali ikiwemo  wanafunzi wa vyuo vikuu, shule za sekondari na msingi kwa lengo kuwambia wanafunzi hao kuepuka tabia mbaya na ukiukwaji wa maadili.”amesema. 

Naye Mkurugenzi wa Shirika la Maendeleo ya Vijana Dodoma (Doyodo), Rajabu Nunga amesema taasisi hiyo inaunga mkono juhudi zinazofanywa na jeshi la polisi kupitia dawati la jinsia na watoto katika kukabiliana na vitendo vya ukatili vinavyotokea katika mkoa wa Dodoma.

Amesema mafunzo hayo ni muhimu ili kuwawezesha wakuu wa madawati hayo kujua mbinu na mpya za kukabiliana na vitendo vya uhalifu vinavyojitokeza kwenye jamii.

Mwisho…..

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more