KUFUNGULIWA KWA MASOKO YA MAZAO NJE YA NCHI FURSA KWA WAKULIMA NCHINI

-

 Muhtasari: Serikali ya Tanzania kuingiza kiasi cha fedha dola za Marekani 3.5 bilioni kwa mwaka kutokana na mauzo ya mazao nje ya nchi.

Na Mwandishi Wetu, Dodoma 

SERIKALI imesema itaingiza kiasi cha fedha dola za marekani 3.5 bilioni kwa mwaka kwa kuuza mazao ya kimkakati  nje ya nchi kwa mwaka.

Hayo yameelezwa leo Alhamisi Septemba 19, 2024 na Naibu waziri wa kilimo David Silinde kwenye hafla ya uzinduzi wa mchakato wa kufungua masoko mapya ya mazao ya kipaumbele Jijini Dodoma.

Silinde amesema hivi sasa nchi imepata kibali cha kuuza mazao tisa ya kiupaumbele kwenye nchi 14 ambayo yataliingizia taifa kiasi cha fedha Dola za Marekani 3.5 bilioni na kuwataka wakulima nchini kuchangamkia fursa hiyo.




Ameyataja mazao hayo ya kipaumbele kuwa ni nanasi, ndizi, tumbaku, parachichi, viazi mviringo, karafuu, pilipili manga, vanilla, na kakao ambayo yatauzwa kwenye nchi 14 duniani.

“Nchi hizo ni pamoja na China ambao wanahitaji vanila na nanasi, India (vanilla na nanasi), Indonesia (karafuu), Singapore (karafuu), Israeli (parachichi), Malaysia (parachichi), Uturuki (nanasi), Brazili (nanasi), USA (kakao), Afrika kusini (ndizi), Zambia (viazi mviringo), Pakstani (tumbaku) na Iraq (tumbaku).”amesema Silinde.

Amesema Serikali kupitia wizara ya kilimo imejipanga kufanya maboresho ili kuondoa vikwazo katika usafirishaji wa mazao ya kilimo yananyohitajika katika mataifa mbalimabali duniani ili kuinua uchumi wa taifa kupitia sekta hii.

Naibu waziri huyo amesema inakadiriwa kuwa uuzaji wa mazao nje ya nchi utaiwezesha serikali kupata jumla ya dola za Marekani 3.5  bilioni ambazo ni sawa Sh10 trilioni za kitanzania ambazo zinaweza kuongezeka kama thamani ya mazao haya itaongezwa. 

“Serikali kupitia wizara ya kilimo imejipanga kutekeleza mikakati mbalimbali yenye lengo la kuinua sekta ya kilimo na kuimarisha ushindani wa mazao yanayozalishwa nchini katika masoko ya kimataifa kwa kufungua masoko mapya.”amesema. 

Amesema changamoto ambayo inatakiwa kutatuliwa ni kuondoa vikwazo vya usafi wa mimea ambavyo vimekuwa changamoto kubwa ya usafirishaji wa mazao ya kilimo katika nchi lengwa na kuikwamisha  serikali kupata faida maradufu ya ile ambayo wanaipata sasa.

Aidha waziri Silinde ameweka wazi kuwa zipo fursa za kusafirisha mazao katika nchi mbalimbali lakini bado hawajafanikiwa kutokana na kushindwa kukidhi baadhi ya  masharti tangulizi ambayo wanapaswa kuyatimiza kabla ya kuanza kusafirisha mazao hayo.

Mmoja wa wasafirishaji wa mazao nje ya nchi Mohamed Adamjee amesema kufunguliwa kwa masoko ya mazao  nje ya nchi yanatoa fursa kwa wakulima na wafanyabiashara kuongeza bidii kwenye shughuli zao za kilimo kwa sababu wana uhakika wa kuuza.

Amesema kitendo cha nchi 14 kufanya biashara ya mazao na Tanzania kinawahakikishia wakulima kufanya biashara kuliko kuwa na nchi chache ambapo yakitokea majanga kama vile vita, magonjwa ya mlipuko au uchumi wa nchi kuyumba kunasababisha biashara kusimama.

“Lakini sasa hivi ukimhamasisha mkulima kulima zao flani unakuwa na uhakika wa soko kwa sababu nchi moja ikitetereka nchi nyingine zinaendelea kununua,” amesema Adamjee

Kwa upande wake Mkurugenzi mtendaji wa Mamlaka ya afya ya mimea na viuatilifu Tanzania (TPHPA) Profesa Joseph Ndunguru amesema ufunguzi wa masoko mapya ya mazao ya kipaumbele katika nchi mbalimbali utapanua wigo wa masoko ya mazao ya kilimo katika masoko ya kimataifa hivyo kuongeza tija kwa wakulima, wazalishaji na wasafirishaji wa mazao ya kilimo Kwenda nje ya nchi.

“Mchakato wa kufungua soko jipya la mazao  ya kilimo  unaweza kuwa rahisi na wa moja kwa moja kwa baadhi ya mazao au bidhaa zitokanavyo na mazao ya kilimo ambayo hayana viashiria vya visumbufu hatarishi, mchakato huu unaweza kuwa mrefu kwa mazao yenye viashiria vya kuwa na visumbufu hatarishi na vya  kikarantini,” amesema.

Amesema hatua mpya za kufungua soko jipya la mazao ya kilimo huanza kwa nchi inayotaka kusafirisha  zao husika kwa kuwasilisha ombi katika nchi legwa yakishapokelewa  wananchi husika hufanyiwa tathmini za awali na kisha nchi inayoomba kusafirisha zao husika  huombwa taarifa zinazoitwa nyaraka za kufungua masoko mapya.

Profesa Ndunguru amesema Mamlaka imefanya majadiliano na makubaliano ya kiitifaki ya afya za  mimea zinazohusu makubaliano na nchi nyingine katika  kusafirisha mazao husika na kuweka masharti, kanuni na sheria kwenye  mazao na bidhaa za kilimo zinazopaswa kusafirishwa Kwenda nchi husika hivi karibuni TPHPA imekamilisha kwa kiwango kikubwa makubaliano na baadhi ya nchi. 

Amesema TPHPA itahakikisha kuwa mazao yote yanayozalishwa nchini yanakidhi viwango vya kimataifa pia TPHPA inaendelea kufuatilia na kudhibiti visumbufu vamizi  nchini kwa kutumia milipuko inayoweza kutishia kukua kwa mazao ya kilimo ambavyo ni panya, nzige, kweleakwelea na viwavi jeshi.



Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more