WMA YATOA ELIMU KUHUSU MATUMIZI YA VIPIMO SAHIHI KWA WAKULIMA

-

 Muhtasari: Wakala wa Vipimo Tanzania (WMA) watoa elimu kwa wakulima kuhusu matumizi sahihi ya vipimo kwenye biashara ya mazao na kuachana na vipimo vya magunia, visado, madebe, makopo na lumbesa ambavyo vinawapa hasara.

Rachel Chibwete, Dodoma
ILI kuwawezesha wakulima kutumia vipimo sahihi wakati wa kuuza mazao yao na kuachana na vipimo visivyo sahihi kama vile magunia, visado, makopo madebe na lumbesa, wakala wa vipimo Tanzania  (WMA) umetoa elimu kwa wakulima kuachana na vipimo hivyo.
Akizungumza na wakulima waliofika kujifunza kuhusu vipimo sahihi, Ofisa Vipimo kutoka WMA, Said Ibrahim amesema ni wakati wa wakulima kuachana na vipimo visivyo sahihi na kuanza kutumia vipimo sahihi kwa ajili ya maendeleo yao.


Ofisa Vipimo kutoka WMA, Said Ibrahim akizungumza kwenye maonyesho ya wakulima nanenane Jijini Dodoma 

Amesema kuna utapeli unaofanywa na baadhi ya watu wa kutumia vipimo visivyo sahihi na hivyo kuwapa hasara wakulima kwani gunia moja linafungwa lumbesa na kuweza kutoa magunia mawili.
Amesema lumbesa huwa inaleta hasara kwa mkulima, kupunguza mapato ya Halmashauri kwa kuwa kilichonunuliwa ni kingi lakini kinacholipiwa ushuru ni kidogo na hivyo kuharibu miundombinu ya barabara ambayo inapitisha magari yenye uzito mkubwa
“Hata kipimo cha magunia siyo sahihi kwa kila bidhaa kwa sababu gunia la kilo 100 la mahindi haliwezi kuwa na uzito sawa na gunia la alzeti kwa hiyo ni vizuri mtumie  mizani ambayo imehakikiwa na wakala wa vipimo kupima mazao yenu,” amesema Ibrahimu.
Amesema wakala huo huwa unahakiki mizani yote inayoingia nchini kuanzia bandarini hivyo wakulima wakiona mzani ambao hauna nembo ya WMA watoe taarifa maana utakuwa umechakachuliwa.
Baadhi ya wakulima waliohudhuria kwenye mafunzo hayo wametaka elimu hiyo iende vijijini kwa kuwa ndiyo wazalishaji na wanaumizwa na vipimo visivyo sahihi.
Magreth Ndoje mkazi wa Makutupora jijini Dodoma amesema tangu wanakuwa wanatumia vipimo vya madebe, magunia na visado wakati wa kuuza au kununua nafaka kutoka kwa wakulima bila kujua kuwa wanapunjwa.
Amesema elimu ya kutumia mizani ni nzuri hasa kwa wakulima ambao huwa wanafanyakazi kubwa lakini hawanufaiki nayo wanaonufaika ni watu wengine.
Naye Charles Ngobito mkazi wa Iyumbu jijini Dodoma amesema kuna haja ya kutoa elimu ya matumizi ya vipimo sahihi mashuleni ili kuwajengea uwezo watoto kuanzia umri mdogo wa kujua vipimo sahihi badala ya kutumia vipimo ambavyo siyo sahihi na hivyo kuleta hasara kwa wakulima na watanzania kwa ujumla.
Mwisho

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more