TEKNOLOJIA YA KISIKI HAI IMEOKOA MITI ZAIDI YA MIL 21 NCHINI

-

Muhtasari: Kisiki hai chaokoa zaidi ya  miti milioni 21 nchini kwenye Mikoa ya Singida, Dodoma, Manyara, na Arusha 

Rachel Chibwete, Dodoma

TEKNOLOJIA ya kisiki hai imeokoa zaidi ya miti milioni 21 nchini kwenye Mikoa ambayo haina mvua za kutosha kuotesha miti mipya na hivyo kusaidia kurejesha uoto wa asili kwenye Mikoa hiyo.

Akizungumza kwenye maonyesho ya nanenane Mkoani Dodoma, Ofisa kutoka Shirika lisilo la kiserikali la Lead Foundation, Hagali Mbulla amesema programu ya kisiki hai imesaidia kurejesha uoto wa asili kwenye Mikoa ya Singida, Dodoma, Manyara na Arusha.

Amesema Mikoa hiyo minne haina mvua za kutosha kuotesha miti mipya na kuimwagilia kwani miti mingi inayopandwa  hukauka kwa kukosa maji wakati wa kiangazi.

"Ili kurejesha uoto wa asili tumewaelekeza wakulima kupogolea miti ya asili iliyopo kwenye mashamba yao itakayowezesha miti hiyo kuendelea kukua badala ya kupanda miti mipya ambayo huwa inakauka kwa kukosa maji kwa sababu hii mikoa hupata mvua chache  lakini visiki vya miti iliyokatwa ikiwa mikubwa inaweza kuendelea kukua bila shida yoyote," amesema Hagali.

Amesema teknolojia hiyo ni rahisi na imewezesha kuzuia vimbunga vilivyokuwa vinaikumba Wilaya ya Kongwa Mkoani Dodoma kila inapofika kiangazi baada ya visiki hivyo kukua na kutengeneza misitu hasa kwenye hifadhi za misitu ya Kijiji na mashamba ya wananchi.

Pia amesema wameleta teknolojia ya kilimo cha makinga maji ambayo husaidia kupunguza mmomonyoko wa ardhi yenye rutuba kuchukuliwa  na maji ya mvua pamoja na upepo.

Amesema teknolojia hiyo imesaidia wakulima kupata mavuno ya kutosha kwenye mashamba yao kwani makinga maji hayo yanasaidia kuhifadhi unyevu kwa muda mrefu na hivyo kusaidia mazao kukua.



Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more