ASA YAJA NA MBEGU YA NGANO INAYOSTAWI MKOA WA DODOMA

-

 Muhtasari: Wadau wa sekta ya kilimo wamekuja na teknolojia mbalimbali za kilimo za kukabiliana na mabadiliko ya tabia nchi ili kuwawezesha wakulima kulima kisasa na kupata mazao bora.

Rachel Chibwete, Dodoma

WADAU wa kilimo wamekuja na teknolojia mbalimbali za kilimo ambazo zitawasaidia wakulima kukabiliana na mabadiliko ya tabia nchi na kujiepusha na uharibifu wa mazingira.

Hayo yamebainika leo  jumapili Agosti 4, 2024 kwenye maonyesho ya kilimo nanenane yanayofanyika kitaifa kwenye viwanja vya Nzuguni Jijini Dodoma.

Akizungumza kwenye maonyesho hayo, Ofisa kilimo kutoka wakala wa mbegu nchini (ASA), Benjamin Mfupe amesema wamekuja na mbegu za ngano ambazo zimeonyesha mafanikio makubwa kwenye ardhi ya Dodoma ambayo haina historia ya kulima zao hilo.


Ofisa kilimo kutoka wakala wa mbegu nchini (ASA) Benjamin Mfupe akionyesha zao la alzeti kwenye kitalu kilichopo kwenye viwanja vya maonyesho ya wakulima nanenane Jijini Dodoma 

Amesema wamepanda ngano kwa majaribio  kwenye vitalu vilivyoko kwenye maonyesho hayo ili kuona kama utamea vizuri na matokeo yamekuwa mazuri kuliko matarajio yao.

"Tumekuja na aina tatu za mbegu za ngano ambazo ni mbegu ya sifa na juhudi zinazozalishwa Tanzania na mbegu ya SST884 ambayo imetoka Zambia na matokeo yake yamekuwa mazuri kuonyesha kuwa hata Mkoa wa Dodoma unaweza kulima zao la ngano," amesema Mfupe.

Amesema mbegu zote zimepandwa kwa siku moja lakini zimekomaa kwa wakati tofauti hivyo wakulima wataelekezwa kuhusu mbegu hizo pamoja na kiasi cha mavuno yatakayopatikana ili achague mwenyewe aina ya mbegu atakayopendezewa naye.

Amesema pia wamekuja na mbegu ya mtama aina ya  Tarisor 2 ambayo haishambuliwi sana na ndege kama ilivyo kwa mtama aina ya mecia ambayo hushambuliwa na ndege.

Amesema baada ya malalamiko ya muda mrefu ya wakulima kuhusu mtama wa aina ya mecia kuliwa na ndege na kuwapatia mavuno kidogo walilazimika kufanya utafiti na kuja na mbegu hiyo ambayo haishambuliwi na ndege.

Ametaja sifa ya mbegu hiyo kuwa haina weupe kama ilivyo kwa mecia hivyo haiwavutii ndege kuishambulia na hivyo kuleta mazao mengi kwa mkulima.

Amesema pia wamekuja na mbegu fupi  ya alzeti ambayo inazaa kuliko ile ndefu na inazalisha mafuta mengi kwa bei ndogo ya ruzuku kutoka serikalini.

Mbali na hilo amesema wakala huo una mbegu ya kitunguu aina ya Mang'ola red au Bombay red ambacho ni imara kuliko m egu nyingine kwani kina maganda matatu hivyo hakiharibiki haraka



Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more