PBZ YATOA MSAADA WA JOKOFU LA KUHIFADHIA DAMU

-

Muhtasari: Msaada huo utawezesha kuanzishwa kwa huduma ya mama na mtoto pamoja na upasuaji kwa akina mama wanaojifungua katika kituo hicho cha afya ambacho hakijaanza kutoa huduma ya kujifungua kutokana na kutokuwa na jokofu la kuhifadhia damu 

Na Mwandishi Wetu, Dodoma.

KITUO cha afya kilicho chini ya jeshi la polisi mkoa wa Dodoma kitaanza kutoa huduma ya mama na mtoto kuanzia Agost 1, mwaka huu baada ya kukamilisha mahitaji yote yanayotakiwa katika wodi hiyo ikiwemo jokofu la kuhifadhia damu kwa wenye uhitaji.

Kauli hiyo imetolewa leo jumatatu Julai 1, 2024 na mganga mfawidhi wa kituo hicho Dk Jackson Shoo wakati akipokea msaada wa jokofu la kuhifadhia damu lenye uwezo wa kuhifadhi lita 360 kwa wakati mmoja kutoka Benki ya Watu wa Zanzibar (PBZ) Jijini Dodoma.


Jokofu la kuhifadhia damu lililotolewa na benki ya watu wa Zanzibar (PBZ) likiwa kwenye wodi ya wazazi  inayotarajiwa kuanza kazi Agosti 1 mwaka huu baada ya kukamilisha mahitaji yote muhimu kwenye kituo cha afya cha Polisi Jijini Dodoma 


Dk Shoo amesema kituo hicho cha afya kina wodi ya kujifungulia akina mama lakini bado halijaanza kufanya kazi kutokana na kutokamisha baadhi ya mahitaji muhimu ikiwemo jokofu la kuhifadhia dawa.

"Tulikuwa tunapata changamoto tukipata mama mjamzito hapa kwani tulikuwa tunalazimika kumpa rufaa aende hospitali ya Mkoa wa Dodoma kwa sababu tulikuwa hatuna damu endapo mama angehitajika kuongezewa damu wakati wa kujifungua lakini sasa tutatoa huduma Bora kwani mahitaji yote muhimu yameshapatikana hapa," amesema Dk Shoo na kuongeza kuwa,

"Damu itakayohifadhiwa hapa haitasaidia wagonjwa wanaotibiwa hapa tu Bali utasaidia hata wale ambao wapo kwenye maeneo mengine hivyo uwepo wa jokofu hili ni mkombozi kwa wananchi wa Dodoma."

Amesema kutokana na kuanza kutoa huduma ya mama na mtoto kwenye kituo hicho, wataanzisha kituo cha kuchangisha damu wakianza na watumishi wa hospitali hiyo na watu wengine kutoka nje ili kuhakikisha benki ya damu kwenye kituo hicho haikauki.

Kwa upande wake Meneja wa tawi wa PBZ, Mwanaharusi Shein amesema msaada huo umekuja baada ya kituo hicho cha afya kuomba msaada wa jokofu hilo la kuhifadhia damu ili waweze kufungua wodi ya mama na mtoto.

Amesema benki hiyo ina wajibu wa kuihudumia jamii inayowazunguka hivyo msaada huo ni sehemu ya kurudisha fadhila kwa jamii kwani wananchi wengi hasa akina mama na watoto  watapata huduma kupitia msaada huo.

Amesema jokofu hilo limegharimu  kiasi cha Sh7 milioni.

Naye Kamanda wa polisi Mkoa wa Dodoma, Theopista Mallya ameishukuru benki hiyo kwa msaada na kuitaka kuendelea kushirikiana na jeshi la polisi katika huduma mbalimbali inayozitoa kwa jamii.

Mwisho......

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more