MWONGOZO WA KUVUA SAMAKI KWENYE MAJI MADOGO WATOLEWA

-

Muhtasari: Wizara ya mifugo na uvuvi kwa kushirikiana na mamlaka za serikali za mitaa, ofisi ya Rais Mipango na uwekezaji na Ofisi ya makamu wa Rais Mazingira zimetakiwa kutoa elimu kuhusu uvuvi endelevu kwenye maji madogo na maeneo oevu ili kulinda na kutunza rasilimali hiyo ambayo imeajiri watu wengi nchini.

Na Mwandishi Wetu, Dodoma.

WADAU wa uvuvi nchini wametakiwa kutoa elimu ya uvuvi endelevu kwa wavuvi wanaofanya shughuli zao kwenye maji madogo na maeneo oevu nchini ili kufanya uvuvi huo uwe endelevu na wao waendelee kujipatia kipato bila kuvunja sheria na miongozo iliyopo.

Kauli hiyo imetolewa leo ijumaa jUNI 28, 2024 na Naibu Katibu Mkuu wa Wizara ya Mifugo na Uvuvi Dk Edwin Mhede wakati akizungumza na wadau wa uvuvi kwenye kikao cha kupitia rasimu ya mwongozo wa usimamizi wa uvuvi kwenye maji madogo na maeneo oevu Jijini Dodoma.

Dk Mhede amesema wavuvi wengi hawajui sheria na miongozo kuhusu uvuvi kwenye maji madogo na maeneo oevu  inavyotumika hivyo ni wajibu wa Wizara ya mifugo na uvuvi kwa kushirikiana na mamlaka za serikali za mitaa, ofisi ya Rais Mipango na Uwekezaji na Ofisi ya makamu wa Rais Mazingira  kutoa elimu ili uvuvi huo uwe endelevu na wenye manufaa kwa Taifa.



Naibu katibu mkuu Wizara ya mifugo na uvuvi Dk Edwin Mhede akizungumza na wadau wa uvuvi (hawapo pichani) kuhusu mwongozo wa uvuvi kwenye maji madogo na maeneo oevu Jijini Dodoma


“Wavuvi wengi wanafanya shughuli zao bila kujua miongozo na sheria inayotumika kufanya kazi kwenye maeneo hayo, wanachojua wao ni kupata kipato kupitia shughuli za uvuvi hivyo ni jukumu letu kutoa elimu kuhusu miongozo na sheria zinazotumika kwenye uvuvi huo ili wavuvi wafanya kazi kwa tija na si kuharibu maeneo hayo,” amesema Dk Mhede

Amesema kutokana na kutokuwa na elimu wavuvi wanaofanya shughuli zao kwenye maji madogo wamekuwa wakitumia zana za uvuvi zilizokatazwa kufanya uvuvi haramu kama vile kutumia kokoro, mgono nyavu ndogo na nyingine ambazo siyo salama kwa shughuli za uvuvi endelevu.

Amesema mwongozo, kanuni na sheria zilizotungwa hazihusiani na uvuvi kwenye maji mengi kama vile ziwa Victoria, Ziwa nyasa, Ziwa Tanganyika, Bwawa la Mtera, Bwawa la Nyerere na Bwawa la nyumba ya Mungu.

Amesema japo kuna  usimamizi mdogo wa sheria na miongozo kwenye uvuvi wa maji madogo haizuii sheria hizo kufuatwa na wavuvi wanaofanya shughuli zao kwenye maeneo hayo na kuachana na zana za uvuvi haramu ili kulinda rasilimali zilizoko kwenye maeneo hayo.

Kwa upande wake  kaimu Mkurugenzi msaidizi kitengo cha ulinzi na usimamizi wa rasilimali za uvuvi, Bugomba Kimasa amesema shughuli za uvuvi kwenye maji madogo zinawapatia wananchi chakula na kipato hivyo ni lazima kuwe na mwongozo ili shughuli hiyo iwe endelevu.

Amesema maji madogo ni yale ambayo kuna kipindi huwa yanakauka hasa kipindi cha kiangazi na kipindi cha mvua huwa yanajaa.


Baadhi ya washiriki wa kikao cha Sekta ya Uvuvi, wakiwa katika Kikao cha wadau kupitia Rasimu ya Mwongozo wa Usimamizi wa Uvuvi kwenye maji madogo na maeneo oevu, leo Juni 28, 2024, Jijini Dodoma


Amesema lengo la kuweka mwongozo huo ni kuzitambua shughuli za uvuvi zinazofanywa kwenye maeneo hayo kwa ajili ya kujipatia chakula na kipato kwa watu wanaojishughulisha na uvuvi.

Naye aziza Mumba kutoka ofisi ya mkuu wa mkoa wa Dodoma, amesema mkoa huo una maeneo mengi ya uvuvi wa maji madogo likiwemo Bwawa la Bahi ambalo huwa linafungwa kutokana na maji kukauka na hivyo nyavu za kuvulia samaki zinazotakiwa kushindwa kuvua samaki na hivyo wavuvi kuamua kutumia nyavu zilizokatazwa na serikali ili waendelee kuvua bila kujua athari zake.

Mwisho

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more