KIHENZILE AAGIZA UWANJA WA NDEGE WA KIMATAIFA MSALATO UKAMILIKE KWA WAKATI

-

Muhtasari: Mkandarasi anayejenga uwanja wa ndege wa Kimataifa wa Msalato ametakiwa kuongeza kasi ya ujenzi wa uwanja huo ili ukamilike kwa wakati kwani ni mojawapo ya alama za kuonyesha kuwa Dodoma ni makao makuu ya nchi.

Na Mwandishi Wetu, Dodoma

NAIBU waziri wa Uchukuzi, David Kihenzile ameagiza mkandarasi anayejenga uwanja wa ndege wa kimataifa wa Msalato uliopo Jijini Dodoma kukamilisha ujenzi huo  kwa wakati kwani ni mojawapo ya alama zinazoonyesha kuwa Dodoma ni makao makuu ya nchi.

Kihenzile ametoa kauli hiyo leo alhamisi Julai 11, 2024 alipofanya ziara ya kukagua ujenzi wa uwanja wa ndege wa Kimataifa wa Msalato uliopo Jijini Dodoma.


Sehemu ya ujenzi wa majengo ya uwanja wa ndege wa kimataifa wa Msalato uliopo Jijini Dodoma


Amesema uwanja huo ni lango la utalii kwenye hifadhi mbalimbali za taifa ikiwemo Serengeti, Ruaha na maeneo mengine ya utalii kwa kuwa ni rahisi kufika kwenye maeneo hayo kutokea Dodoma.

“Mbali na reli ya mwendo kasi inayopita hapa, lakini pia uwanja huu ni alama mojawapo inayoonyesha dhamira ya serikali kuifanya Dodoma kuwa makao makuu ya nchi ambapo viongozi wa mataifa mbalimbali watakuwa wanatumia uwanja huu kuingia nchini badala ya kushukia Dar es Salaam na kupanda magari hadi huku,” amesema Kihenzile.

Amesema mradi huo upo nyuma kwa asilimia kidogo kwa sababu ya mvua zilizonyesha mwaka huu hivyo kusababisha baadhi ya kazi kutokamilika kwa wakati na kuwataka wakandarasi wanaojenga uwanja huo kuongeza kasi ili kufidia kazi ambazo hazijakamilika kabla mvua za masika hazijaanza kunyesha.

“Tunataka njia za kutua ndege zikamilke kabla ya mwezi April mwaka ujao na hata majengo ya uwanja yakamilike kabla ya Novemba mwaka 2025, kama mkataba unavyotaka,” amesema.


Naibu Waziri wa Uchukuzi David Kihenzile (wa nne kulia) akielezwa jambo na Msimamizi wa mradi wa Ujenzi wa uwanja wa ndege wa kimataifa wa Msalato, Mahona Luhende alipofanya ziara ya kukagua uwanja huo Leo Alhamisi julai 11, 2024 Jijini Dodoma


Akisoma taarifa ya mradi Kaimu Meneja wa wakala wa Barabara Tanzania (Tanroads) mkoa wa Dodoma, Elisony Mweladzi amesema ujenzi wa miundombinu ya barabara kwenye uwanja huo imefikia asilimia 67 wakati ulikuwa unatakiwa kufikia asilimia 70 mpaka wakati huu.

Aidha amesema ujenzi wa majengo umefikia asilimia 32.21 na wakati ilitakiwa kuwa asilimia 33.7 kutokana na changamoto mbalimbali zilizojitokeza ikiwemo mvua zilizokwamisha ujenzi huo kuendelea.

Naye Msimamizi wa mradi huo kutoka Tanroads, Mahona Luhende amesema ujenzi wa uwanja huo wa kimataifa ni wa miaka mitatu ulianza mwaka 2022 na unatarajia kukamilika mwaka 2025 ambapo utakapokamilika utahudumia jumla ya abiria 1.5 milioni kwa mwaka

Mwisho…..

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more