ESWATIN YAJA KUJIFUNZA NAMNA YA KUENDESHA MIFUKO YA HIFADHI ZA JAMII PSSSF

-

Muhtasari: Ujumbe wa watu tisa kutoka nchini Eswatin wametembelea mfuko wa hifadhi ya jamii wa PSSSF ili kujifunza namna bora ya uendeshaji wa mifuko ya pensheni na kuachana na mfuko wa akiba ambao bado unatumika nchini humo.

Na Mwandishi Wetu, Dodoma

SERIKALI imesema kuwa itapeleka wataalam wa kuendesha mifuko ya hifadhi za jamii kutoka mfuko wa PSSSF nchini Eswatin ili kuwafundisha namna kuanzisha mfuko wa hifadhi ya jamii unaotoa pensheni kwa wanachama wake na kuachana na mfuko wa akiba ambao unatumika nchini humo kwa sasa.

Hayo yamesema leo ijumaa Julai 19, 2024 na Mkurugenzi Mkuu wa mfuko wa hifadhi ya jamii wa PSSSF Abdul-Razaq Badru baada ya kupokea ujumbe wa viongozi tisa akiwemo waziri wa utumishi wa umma kutoka nchini Eswatin kwa ajili ya ziara ya kuja kujifunza uendeshaji wa mifuko ya hifadhi ya jamii inayotoa pensheni kwa wanachama wake.

Badru amesema nchi ya Eswatin bado inatumia mfuko wa akiba kwa wanachama wake na wanataka kuanza kutoa pensheni hivyo wamekuja kujifunza namna ya kuendesha mifuko hiyo nchini ili wakaanze kuitumia nchini kwao.


Waziri wa Utumishi wa Umma kutoka nchini Eswatin, Mabulala Maseko (kulia) akiteta jambo na Mkurugenzi mkuu wa mfuko wa hifadhi ya jamii (PSSSF) Abdul-Razaq Badru Leo jumamosi Julai 20, 2024 alipotembelea mfuko huo ili kujifunza namna ya kuendesha mifuko ya hifadhi za jamii Jijini Dodoma 


“Hii ni fahari kwetu kuona nchi nyingine zinakuja kujifunza namna ya kuendesha mifuko ya hifadhi za jamii nchini kwetu, na kwa sababu wametuchagua kuwaelekeza namna ya kuendesha mifuko hii tutawapa wataalam ambao watawasaidia kuanzisha mfumo wa kuwalipa wanachama wao pensheni mpaka watakapoweza kujisimamia wenyewe,” amesema Badru.

Amesema ziara hiyo ya mafunzo inaonyesha ni jinsi gani PSSSF inaendesha mfuko huo kwa mafanikio kwa kuwalipa wanachama wake mafao kwa wakati pamoja na kuwekeza vitega uchumi mbalimbali kwa ajili ya kuongeza kipato kwa ajili ya wanachama wao.

Amesema Eswatin imeonyesha shauku kubwa ya kujifunza mbinu bora za uendeshaji wa mfuko, mifumo ya malipo yenye ufanisi na namna ya kuongeza thamani kwa wanachama wao.

Kwa upande wake Waziri wa utumishi wa Umma kutoka nchini Eswatin, Mabulala Maseko amesema wametembelea nchi nyingi kwa ajili ya kujifunza namna ya kuendesha mifuko ya hifadhi za jamii inayotoa pensheni kwa wanachama wao na kuona kuwa PSSSF ina mafanikio makubwa kuliko nchi nyingine.

Amesema baada ya mafunzo hayo watakwenda kuanzisha mfumo huo wa kutoa mafao kwa njia ya pensheni kwa watumishi wote wa umma na sekta binafsi kwa kuwa wameona mfumo huo ni bora kuliko mfumo wa akiba ambao wanautumia sasa.

Amesema wameelezwa namna ya kusimamia shughuli za uwekezaji kuhakikisha kwamba wanapowekeza mitaji ya mifuko ielekezwe maeneo yenye tija na yanayozalisha  ili uwekezaji uwe na mchango katika maendeleo na uchumi wa nchi.

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more