WATU WENYE UALBINO WALIA NA WAGANGA WA KIENYEJI NA UCHAGUZI MKUU

-

 Muhtasari: Waganga wa kienyeji na suala la uchaguzi mkuu vimetajwa kuwa haviwezi kukwepa lawama za ukatili na mauaji ya watu wenye ulemavu wa ngozi (albino) kwani kila kinapofika kipindi cha uchaguzi ndipo ukatili huo hutokea na waganga wa kienyeji wakitajwa kuwa ndiyo chanzo cha ukatili huo.

Na Mwandishi Wetu, Dodoma

Taasisi ya watu wenye ulemavu wa ngozi (albino) ya Foundation for disabilities hope (FDH) imesema kuwa waganga wa kienyeji na suala la uchaguzi mkuu hawawezi kukwepa lawama za ukatili wa watu wenye ulemavu wa ngozi (albino) kwani kila yanapotokea mauaji ya watu hao ni lazima watajwe.

kauli hiyo imetolewa Leo jumatatu Juni 24, 2024 na Mkurugenzi wa Taasisi hiyo, Michael Salali wakati akizungumza na waandishi wa habari kuhusu matukio ya kujeruhiwa na kuuawa kwa watu wenye ualbino nchini Jijini Dodoma.

Salali amesema Taasisi hiyo inalaani tukio la kujeruhiwa kwa mtoto Julius Kazungu (10) mkazi wa Mkoani Geita na watu wasiojulikana pamoja na kutekwa na kisha kuuawa kwa mtoto Asimwe Novath (2) ambaye alinyofolewa baadhi ya viungo vyake na kutupa kwenye karavati ambapo watoto wote wawili ni wenye ualbino.

Amesema kwenye matukio hayo ya ukatili dhidi yao waganga wa kienyeji na suala la uchaguzi haviwezi kukwepeka kwani kila yanapotokea matukio ya ukatili dhidi ya watu wenye ualbino ni lazima watu hao watajwe.

Mkurugenzi wa Taasisi ya watu wenye ulemavu wa ngozi (albino), Foundation for disabilities Hope (FDH), Michael Salali 

"Mtaniuliza kwanini tunahusisha ukatili dhidi ya watu wenye ualbino na uchaguzi mkuu hili halikwepeki kwa sababu kila ikifika kipindi hiki ndipo huwa tunashuhudia ukatili ukiongezeka na wakati miaka mingine ambayo haina uchaguzi hakuna matukio kama hayo lakini pia kwenye kila tukio wanaokamatwa kuhusika hapakosi mganga wa kienyeji ambaye huwa ndiyo chanzo cha ukatili huo," amesema Salali.

Amesema kikifika kipindi cha uchaguzi watu wenye ualbino huwa wanaishi kwa hofu na mashaka kwa kuhofia maisha yao kwani huwa hawajui watu waliowazunguka wanawawazia nini.

Amesema lakini mwaka huu mauaji ya Asimwe yamechukua sura mpya kwani hadi kiongozi wa dini amehusika hivyo kuwafanya watu wenye ualbino kuishi kwa hofu zaidi wasijue ni nani wa kumwamini.

Amesema jamii hiyo bado ina imani na serikali na kuwataka viongozi wote kuanzia ngazi za chini kufuata maelekezo yaliyotolewa na waziri Mkuu ili kuwalinda watu wenye ualbino .

Amesema maelekezo yaliyotolewa na Waziri Mkuu kuhusu kuwalinda watu wenye ulemavu ikiwemo mpango mkakati wa kuwalinda yakifuatwa vizuri yatakuwa mwarobaini wa matukio ya ukatili dhidi ya watu wenye ualbino nchini.

Wakati Mkurugenzi huyo akiyasema hayo, Umoja wa waganga na wakunga wa tiba za asili Tanzania (Uwawata) wamekana kumtambua mtu aliyetajwa na jeshi la polisi kuwa ni mganga wa kienyeji na kwamba hajasajiliwa na Umoja huo.

Katibu Mkuu wa Uwawata, Lucasi Mlipu amesema Umoja huo unafanya kazi kwa kuzingatia sheria za nchi hivyo watu wanaojiita waganga wa kienyeji wanaopiga ramli chonganishi si wanachama wao bali ni matapeli.

Mlipu alienda mbali zaidi na kusema kuwa hakuna kiungo cha binadamu kinachotumika kwenye tiba asili hivyo wote wanaofanya hivyo ni matapeli ambao wanaojiita waganga wa kienyeji ili kuwaharibia sifa yao.

Naye Katibu wa Uwawata Mkoa wa Kagera Patian Kashubi amesema zipo sifa za mtu kuitwa mganga wa kienyeji ikiwemo kurithishwa na mizimu au mababu lakini waganga wa siku hizi hawana hizo sifa na wanajiita waganga na kuanza kuwatapeli watu.

Kuhusu mauaji ya watu wenye ualbino kuhusishwa na uchaguzi mkuu Kashubi amesema kiongozi yeyote anayetaka kuingia madarakani kwa kutoa kafara watu wenye ulemavu hafai kuwa kiongozi kwani anajijua kuwa hana sifa za kuongoza na ndiyo maana anataka kuingia kwa njia zisizo halali.

Mwisho

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more