WATOTO WAPAZA SAUTI KUHUSU KUFANYIWA VITENDO VYA UKATILI

-

Muhtasari: Kwa mujibu wa takwimu za Wilaya cha Chamwino za Oktoba 2023 hadi Juni 2024 kesi za ukatili zilizoripotiwa kituo cha polisi  Chamwino zilikuwa 118 kati ya hizo wanaume 109, wanawake 9, watoto 26, kesi 88  zipo mahakamani, 32 wameshawatiwa hatiani kwa matukio ya ubakaji, ukeketaji  na vipigo.

Na Mwandishi Wetu, Chamwino

BARAZA la ulinzi wa mtoto wilaya ya Chamwino Mkoani Dodoma limeitaka  serikali kushirikiana na wadau mbalimbali kuboresha sera na sheria ya ulinzi wa watoto ikiwamo sheria ya ndoa yam waka 1971 inayoruhusu mtoto mwenye umri wa miaka 14 kuolewa ili kutokomeza ukatili  dhidi yao.

Wito huo umetolea leo Ijumaa Juni 21, 2024  na mwenyekiti wa Baraza hilo Anthony Mlewa wakati wa  kilele cha maadhimisho ya siku ya mtoto wa Afrika  yaliofanyika katika Kijiji cha Kawawa kata ya Msanga wilaya ya Chamwino mkoani Dodoma yaliyoandaliwa na shirika lisilo la kiserikali la Actionaid  Tanzania yenye kauli mbiu; elimu jumuishi kwa watoto izingatie maarifa, maadili na stadi za kazi.


Baadhi ya watoto Wilayani Chamwino Mkoani Dodoma wakiwa kwenye maadhimisho ya siku ya mtoto wa Afrika yaliyoratibiwa na  shirika lisilo la kiserikali la Action Aid


Mlewa amesema ili kudhibiti ukatili  unaoendelea dhidi ya watoto,  jitihada za wadau wote na serikali ni muhimu kwa maendeleo  endelevu.

Mbali na hayo baraza hilo limewaomba  wanajamii kutoa ushirikiano katika kutoa taarifa dhidi ya ukatili kwa watoto.

Amesema miongoni mwa changamoto inazowakabili ni  ushirikishwaji duni kwenye masuala mbalimbali yanayohusu watoto na maamuzi , ukiukwaji wa haki za watoto na uhaba wa miundombinu mashuleni nakutaka iboreshwe.

“Mimba za utotoni, ndoa za utotoni, vipigo vilivyopitiliza bado ni tatizo, pale penye haki wazazi wanawajibu wa kuhakikisha ulinzi wa mtoto ni kipaumbele sio ombi, lakini pia  wazazi wanawajibika kwenye masuala ya maadili kwa watoto,’’ amesema Mlewa.

Naye mgeni rasmi katika kilele cha maadhimisho hayo Mratibu msaidizi wa polisi  Yusuph Abdallah amesema kwa mujibu wa takwimu za Wilaya cha Chamwino za Oktoba 2023 hadi Juni 2024 kesi za ukatili zilizoripotiwa kituo cha polisi  Chamwino zilikuwa 118 kati ya hizo wanaume 109, wanawake 9, watoto 26,  kesi 88  zipo mahakamani, 32 wameshawatiwa hatiani,  miongoni mwa kesi hizo ni pamoja  na ubakaji, ukeketaji  na vipigo.

‘’Ulezi wa watoto unategemea pande kuu  tatu, wazazi, walimu na wanajamii, wazazi  tuwe karibu na watoto ili kujua mahitaji yao,’’ amesema Abdallah

Abdallah amewataka wazazi kutoa taarifa kwa dawati la jinsia endapo watapata taarifa  za ukiukwaji wa haki za bindamu.


Kikundi cha ngoma kikitoa burudani kwenye maadhimisho ya siku ya mtoto wa Afrika yaliyofanyika Wilayani Chamwino Mkoani Dodoma.


Kwa upande wake Ofisa ustawi wa jamii wilaya ya Chamwino Obed Fredy amewataka wazazi kuacha tabia ya kuwaachia watoto simu kwa muda mrefu ili kupunguza mmomonyoko wa maadili.

‘’Watoto wanajifunza matendo maovu kupitia mitandao ya kijamii hivyo niwaase wazazi kuwapeleka kwenye nyumba za ibada ikiwemo misikitini na makanisani ili waweze kujifunza maadili mema,’’ amesema Fredy na kuongeza kuwa,

“Maarifa yamepungua kutokana na utandawazi, vijana wanashinda kwenye kubeti, niwatake wazazi tutenge muda wa kufuatilia malezi ya watoto wetu kwa kuwa wanajifunza kutoka kwetu, mambo yetu na matendo yetu yanachangia  kuathiri watoto wetu tuache.’’


Amewataka wazazi wazingatie maadili kwani utandawazi umeleta madhara makubwa hasa kwa watoto wadogo hivyo wapunguze kuwapa watoto  simu maana huko ndiko wanakojifunza vitendo viovu kupitia mitandao ya kijamii.

Mwenyekiti wa jukwaa la wakulima wadogo wilaya ya chamwino (JUWACHA)  lililopo chini ya shirika lisilo la kiserikali la Actionaid Tanzania  Janeth Nyamayahasi   amewataka wazazi kutenga muda kwa ajili ya malezi ya watoto kwa kushirikiana na viongozi wa dini , wazee wa kimila ili kupambana na mmomonyoko wa maadili.

Clezensia Sahani kutoka shirika la Actionaid Tanzania amesema lengo la kuandaa maadhimisho hayo ni kutoa elimu kwa jamii kuhusu haki za watoto ikiwa ni pamoja kupinga ukatili dhidi yao 

“Lengo la kuandaa maadhimisho hayo ni kuhakikisha watoto wanapata haki zao za msingi ikiwemo elimu hata kama ni mlemavu, ukiangalia saivi kuna mmomonyoko wa maadili watoto wanajifunza kwa wazazi maana utandawazi unawaharibu, elimu wanayoipata iendane na maadili ya kitanzania,’’ amesema Sahani

Mwisho

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more