WAISLAM WATAKIWA KUSHIRIKI UCHAGUZI WA SERIKALI ZA MITAA

-

 Muhtasari: Waumini wa dini ya kiislamu wametakiwa kujitokeza kwa wiingi kwenye uchaguzi wa serikali za mitaa ili waweze kuhoji au kupongeza yale yanayoendelea nchini.

Na Mwandishi wetu, Dodoma.

Dodoma. Waumini wa dini ya kiislamu nchini wametakiwa kujitokeza kwa wingi na kushiriki kwenye uchaguzi wa serikali za mitaa kulingana na ratiba itakayotolewa na serikali.

Kauli hiyo imetolewa leo jumatatu Juni 17, 2024 na mwakilishi wa mufti wa Tanzania, Shekhe Swedi Twaibu kwenye ibada ya swala ya Eid El Adha iliyofanyika kwenye uwanja wa Jamhuri Jijini Dodoma.

Shekhe Twaibu amesema ni jukumu la waumini wa dini hiyo kushiriki kila jambo ambalo kinaendelea nchini ili wawe nafasi ya kuhoji au kupongeza yale yanayoendelea nchini.

"Mufti wa Tanzania (Shekhe Aboubakar Zubeir) amenituma kwenu niwaambie kuwa mshiriki kwenye uchaguzi wa serikali za mitaa msiliache jambo hili liwapite mjitokeze kwa wingi kuwachagua viongozi watakaowaongoza kwa misingi ya haki," amesema Shekhe Twaibu.



Pia amewataka kujitokeza kugombea nafasi mbalimbali kwenye uchaguzi huo ili waweze kuchagua na kuchaguliwa kwani ni haki yao ya msingi  endapo wana sifa zitakazotakiwa.

Mbali na hilo amewataka waumini hao kusherehekea kwa amani na utulivu sikukuu hii na kujiepusha na mambo mabayavyatakayowaletea matatizo.

Kwa upande wake mwenyekiti wa kamati ya sherehe za Idd Dodoma Mjini Shekhe Ismail Daudi amewataka waumini hao kuzingatia ujumbe ulitolewa na Mufti wa Tanzania kupitia mwakilishi wake kwani ni jukumu lao kushiriki kwenye shughuli mbalimbali za kijamii na kiserikali.



Amesema suala la  kudumisha amani kwenye siku kuu hii ni la muhimu kwani wengi huwa wanazitumia vibaya kwa kulewa na kuendesha kwa fujo hivyo kuhatarisha maisha yao na ya watu wengine.

Akizungumza baada ya swala hiyo baadhi ya waumini wamesema wataitumia sikukuu hii  kukaa na familia zao kwa ajili ya kula na kunywa na watajiepuaha na matendo yote mabaya yaliyokatazwa na viongozi wa dini.

Mwisho....

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more