VITA DHIDI YA VIMELEA SUGU VYA DAWA YATINGA BUNGENI

-

 Muhtasari: Wabunge wa Bunge la Jamhuri ya Muungano wa Tanzania. wamezindua umoja wao wa kukabiliana na usugu wa vimelea vya dawa (uvida) nchini ambapo wameahidi kutunga sheria na sera zitakazomaliza tatizo hilo nchini ambalo linakuwa kwa Kasi.

Na Mwandishi Wetu, Dodoma.

WABUNGE wa Bunge la Jamhuri ya Muungano wa Tanzania ambao ni vinara wa kupinga usugu wa vimelea vya dawa (uvida) wamesema kuwa watasimamia utungwaji wa sera na sheria nchini zitakazowezesha kumaliza tatizo hilo ambalo limetajwa na Shirika la afya Duniani kama janga linaloikabili jamii kwa sasa.

Kauli hiyo imetolewa leo alhamisi Juni 20, 2024 na Mwenyekiti wa umoja huo Dkt Hamis Kigwangala wakati wa uzinduzi wa umoja huo uliofanywa na Shirika la One Healthy Society Jijini Dodoma.

Dkt Kigwangala amesema imefika wakati sasa wa kutunga sheria na sera zitakazomaliza tatizo hilo la usugu wa vimelea vya  dawa kwani likiachwa likaendelea litasababisha madhara makubwa ikiwemo vifo na kuporomoka kwa uchumi.




Mwenyekiti wa Bunge Dkt Joseph Mhagama (kulia)  akimvisha beji ya umoja wa wabunge vinara wa kupinga usugu wa vimelea vya dawa Dkt Hamis Kigwangala (kushoto) kwenye uzinduzi wa umoja huo Jijini Dodoma


"Niahidi sisi kama wabunge vinara wa kupinga usugu wa vimelea vya dawa tutahakikusha kuwa tunatunga sheria na sera nzuri ambazo zitamaliza tatizo hilo kwa kushirikiana na wadau wote wa sekta ya afya kwani hali siyo nzuri kwa sasa," amesema Dkt Kigwangala.

Aidha amesema ni wajibu wa serikali kuhakikisha kuwa watu wake wanapata huduma nzuri hasa za maji ya kunywa ili kupunguza uwezekano wa kupunguza maambukizi na kuwakinga wasipate magonjwa ambayo yatapelekea usugu wa vimelea vya dawa.

Aidha ameiasa jamii kuzingatia matumizi sahihi ya dawa wanazotumia ili kujiepusha na usugu wa vimelea ambalo ni tatizo kubwa linaloinyemelea Dunia kwa sasa.

"Dawa ikishaweka usugu ili kuipata dawa nyingine mbadala ya kupambana na ugonjwa huo inachukua takribani miaa 20 Sasa piga hesabu hapo katikati tutakuwa tumewapoteza watu wangapi kutokana na usugu wa vimelea vya dawa, hivyo tunatakiwa tuanze kuchukua hatua sasa ili kukabiliana na tatizo hili," amesema Dkt Kigwangala 




Mwenyekiti wa Bunge, Dkt Joseph Mhagama (kulia aliyeshika picha) akimkabidhi mwenyekiti wa wabunge vinara wa kupinga usugu wa vimelea vya dawa Dkt Hamis Kigwangala picha yenye majina ya wabunge wa umoja huokwenye uzinduzi wa umoja huo Jijini Dodoma

 


Kwa upande wake Mwenyekiti wa Bunge Dkt Joseph Mhagama ambaye alimwakilisha Spika wa Bunge Dkt Tulia Ackson kwenye uzinduzi wa umoja huo amesema ni kweli kwamba tatizo la usugu wa vimelea vya dawa lipo hivyo ni wajibu wa kila mmoja kutimiza wajibu wake katika kuliokoa Taifa na janga hilo.

Amesema wabunge waliochaguliwa kukabiliana na uvida ni wabobezi kwenye masuala ya afya hivyo jukumu lao kitakuwa jepesi ikiwa ni pamoja na kutenga bajeti ya kutosha kuhusu suala hilo.

Naye Mkurugenzi wa Shirika la One Healthy Society, Hamisi Msagama amesema wameamua kulileta suala la uvida kwa watunga sera na sheria ili lipate msukumo wa kutosha katika mapambano yake.

Amesema kwa muda mrefu suala hilo lilikuwa mikononi mwa madaktari na wanasayansi lakini kwa sasa wameamua kuwashirikisha wabunge ili vita hiyo ipate mwitikio mkubwa kwani wanawawakilisha wananchi wa hali ya chini ambao pia ni waathirika wa uvida.

Msagama amesema kwa mujibu wa Shirika la afya Duniani (WHO) takribani watu milioni 10 watakuwa na usugu wa vimelea vya dawa ifikapo mwaka 2050 ambapo takwimu zisizo rasmi zinaonyesha mwaka 2018 watu 700,000 Duniani kote walikuwa na uvida.

Mwisho....

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more