TLS: SHERIA YA UHURU WA KUJIELEZA IENDANE NA MABADILIKO YA SAYANSI NA TEKNOLOJIA

-

Muhtasari: Chama cha wanasheria wa Tanganyika (TLS) kimesema ili sheria ya uhuru wa kujieleza ifanye kazi vizuri kama ilivyoelezwa kwenye kifungu cha katiba namba 18 ni lazima katiba ifanyiwe marekebisho upya ili kifungu hicho kiendane na mabadiliko ya sayansi na teknolojia yaliyopo hivi sasa ambayo yanaafanya baadhi ya mipaka  ya kujieleza iliyopo kwenye katiba kushindwa kutekelezeka.

Na Mwandishi Wetu, Dodoma 

MAKAMU wa Rais wa Chama cha wanasheria wa Tanganyika (TLS) Deus Nyabiri amesema upo ulazima wa kuifanyia marekebisho katiba ya nchi ili iendane na sayansi na teknolojia ya sasa hasa kwenye kifungu cha uhuru wa kujieleza.

Nyabiri ametoa wito huo leo jumanne Juni 25, 2024 wakati akifungua mafunzo ya kuwajengea uwezo  mawakili kuhusu uhuru wa kujieleza Jijini Dodoma.

Mwanasheria huyo mwandamizi amesema kila mtu Duniani ana uhuru wa kujieleza tangu anapozaliwa na hata katiba ya nchi imelieleza hilo lakini kwa sasa kutokana na mabadiliko ya sayansi na teknolojia kuna haja ya kufanyia marekebisho sheria inayohusu uhuru huo na hata ikibidi katiba yote.


Makamu wa Rais wa Chama cha wanasheria wa Tanganyika (TLS) Deus Nyabiri (aliyesimama) akizungumza na mawakili wanaopatiwa mafunzo ya sheria ya uhuru wa kujieleza Jijini Dodoma 


"Katiba imeeleza vizuri kuhusu uhuru wa kujieleza lakini pia imeeleza mipaka ya uhuru huo kuwa usivunje sheria za nchi lakini kutokana na mabadiliko ya sayansi na teknolojia yaliyopo ambayo yanavunja mipaka iliyowekwa kwenye katiba kuna haja ya kuangalia upya vifungu vya katiba pamoja na sheria zilizopo," amesema Nyabiri.

Amesema kutokana na mabadiliko ya sayansi na teknolojia yaliyopo Duniani kila mtu anatumia uhuru wa kujieleza kwenye mitandao ya kijamii kama anavyotaka bila kujali kama anavuka mipaka iliyowekwa au la au hata kama anawaudhi watu wengine  kuhusu uhuru huo.

"Sasa hivi tunashuhudia kwenye mitandao ya kijamii watu wanakuta ajali imetolea, badala ya kutoa msaada kwa majeruhi yeye anapiga picha za marehemu na kuanza kuzisambaza kwenye mitandao ya kijamii bila kujua kuwa anawakera watu wengine ambao hawapendi kuona picha za aina hiyo, hivyo kuna haja ya kuliangalia hili kwenye katiba na sheria za nchi," amesema Nyabiri.

Amesema hata sheria ya makosa ya mtandaoni iliyopo inawabana wale ambao wanatumia mitandao ya kijamii vibaya na kuwaachia wale ambao wanatumia uhuru wao wa kujieleza kwa kuwadhalilisha wengine mitaani bila kutumia mitandao na kutaka sheria hiyo sasa iwabane watu wote bila kujali wanatumia mitandao au la.

Kwa upande wake wakili Esta Safari kutoka Mkoani Mwanza amesema hata wateja wanaowahudumia hawajui mipaka ya kujieleza inaishia wapi kwani wengi wao ni wale ambao wanatumia mitandao ya kijamii kuelezea fikra zao.

Amesema wengi hawajui kama kuelezea fikra zako mitandaoni kunaweza kuleta taharuki kwa watu wengine kwa kuvunja amani au kuhatarisha usalama wa nchi hivyo huwa wanajikuta wakiangukia kwenye vyombo vya sheria bila kujua.

"Ili hili suala la uhuru wa kujieleza likae vizuri ni lazima mabadiliko yaanzie kwenye katiba na sheria zilizopo kwani watu wengi wanajikuta wamevunja mipaka bila kujua hasa kwa kutumia mitandao ya kijamii kwa kudhani kuwa ni haki yao kumbe kuna mipaka  ambayo hawapaswi kuvuka hata kama wanajieleza," amesema Esta.

Naye wakili wa kujitegemea Ferdinand Makore amesema japo katiba imeeleza kuwa kila mtu ana uhuru wa kujieleza na kuweka mipaka ya uhuru huo lakini kuna haja ya kuangalia upya mipaka hiyo kutokana na mageuzi ya teknolojia iliyopo sasa.

Amesema watu wengi hujikuta kwenye vyombo vya sheria bila kujua kwa yale wanayoyachapisha kwenye mitandao ya kijamii wakidhani ni maoni yao binafsi kumbe wanakuwa wamevunja katiba ya nchi.

Mwisho...




Makamu wa Rais wa Chama cha wanasheria wa Tanganyika (TLS) Deus Nyabiri 

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more