DK MOLLEL AWASHUKIA WATUMISHI WA UMMA WANAOFUNGIA VITUO VYA KULELEA WATOTO

-

Muhtasari: Maofisa ustawi wa jamii wametakiwa kuacha tabia ya kuvifungia vituo vya kulelea watoto wanaoishi  kwenye mazingira magumu na hatarishi bila kuwa na mbadala wa mahali pa kuwapeleka watoto hao.

Na Mwandishi Wetu, Dodoma.

NAIBU Waziri wa afya, Dk Godwin Mollel amewataka watumishi wa umma kuacha kuvifungia vituo vya kulelea watoto bila kujua watawapeleka wapi watoto hao baada ya vituo hivyo kufungwa.

Dk Mollel ametoa kauli hiyo leo alhamisi Juni 27, 2024 wakati akizungumza  kwenye mkutano Mkuu wa kituo cha kulelea watoto wanaloishi kwenye mazingira magumu na hatarishi Kisedet  kilichopo Kata ya Chigongwe Jijini Dodoma.

Dk Mollel amesema kitendo hicho kinawakatisha tamaa watu ambao wamejitolea kuwalea watoto katika mazingira waliyonayo hivyo badala ya kuvifungia vituo hivyo wanatakiwa waviboreshe ili watoto wasizagae hovyo  mitaani.

"Unakuta mtu ameamua kuwakusanya na kuwalea watoto baada ya kuwaokota huko mitaani anakuja mtumishi wa umma anakifunga hicho kituo kwa madai kuwa hakina sifa, hakuna vitanda vya kuwalaza watoto na mambo mengine, sasa unapokufunga hicho kituo kwa kukosa vitanda vya kuwatosha wakienda huko mitaani ndiyo watapata hivyo vitanda?? unachotakiwa ni kupeleka vitanda na kuboresha mazingira ili watoto wakae eneo salama na si kufunga kituo," amesema Dk Mollel.



Naibu Waziri wa afya Dk Godwin Mollel (aliyesimama) akizungumza kwenye mkutano mkuu wa Shirika la Kisedet Jijini Dodoma 


Amesema watu waliojitolea kufungua vituo vya kulelea watoto yatima na wanaoishi kwenye mazingira magumu na hatarishi wanapaswa kupewa ushirikiano na jamii pamoja na serikali kwani wanafanya kazi kubwa ya kulea Taifa la kesho na siyo kwamba wanafanya kazi yenye faida.

Mkurugenzi wa kituo hicho Anderson Ndovu amesema mpaka sasa kituo hicho kimehudumia jumla ya watoto 2,370 ambao wanasoma kuanzia shule za msingi hadi vyuo vikuu, kuwakutanisha watoto waliokuwa wanaishi mitaani na wazazi wao na kuwapatia ujuzi mbalimbali kupitia vyuo vya kati ikiwemo Veta.

Amesema watoto wengi wanaolelewa kwenye kituo hicho ni wale wanaoishi kwenye mazingira magumu na wengine huwa wanapelekwa kituoni hapo na ofisi za ustawi wa jamii pamoja na polisi baada ya kuwaokota wakiwa hawajui walipotoka au baada ya kutekelekezwa na watu waliowaleta mjini.

"Siku hizi pia tunapokea wasichana wanaofanyakazi za majumbani ambao baada ya kufikishwa mjini waliowaleta waliwafukuza na wakakosa mahali pa kwenda, huwa tunawaunganisha na familia zao," amesema Ndovu.

Amesema changamoto kubwa wanayokabiliana nayo kwa watoto wanaoishi kwenye mazingira magumu ni watu kuwapa fedha ambazo huzitumia kununua gundi, kwenda disco, kuchezea kamari na kuwafanya waendelee kubaki mitaani.



Veronica Donald kutoka dawati la jinsia na watoto Wilaya ya Dodoma Mijini akizungumza kwenye mkutano mkuu wa Shirika la Kisedet Jijini Dodoma


Aidha amelipongeza jeshi la polisi mkoa wa Dodoma kwa kupunguza vifo vya watoto wanaoishi mitaani kwa kushirikiana na vituo vya kulelea watoto hao kwani hali ya Sasa si kama ya zamani.

Naye askari kutoka dawati la jinsia na watoto Veronica Donald amesema kuvunjika kwa ndoa ndiyo sababu kubwa ya watoto kuishi mitaani kwani wazazi wanapotengana watoto hushindwa kupata malezi ya wazazi wote wawili na hivyo kujikuta mitaani wakiomba omba na kuitaka jamii kuboresha Taasisi ya ndoa ili kupunguza wimbi la watoto wa mitaani.

Mwisho...

Comments

Post a Comment

Popular posts from this blog

CHODAWU YAITAKA SERIKALI KURIDHIA MKATABA NAMBA 189 WA WAFANYAKAZI WA MAJUMBANI

-
Image
Muhtasari: Wafanyakazi wa majumbani wameitaka serikali kuridhia  mkataba namba 189 wa Shirika la kazi Duniani (ILO) ili kada hiyo iweze kutambulika kama ilivyo kwa wafanyakazi wengine nchini. Na Mwandishi Wetu, Dodoma WAFANYAKAZI wa majumbani wameiomba serikali kuridhia mkataba namba 189 wa Shirika la kazi Duniani (ILO) kuhusu  kazi za staha kwa wafanyakazi wa majumbani ili waweze kupata haki zao kama wafanyakazi wengine ikiwemo likizo, kujiunga na mifuko ya hifadhi za jamii na kulipwa kima cha chini cha mshahara. Kauli hiyo imetolewa leo jumanne na Mkurugenzi Mtendaji wa Taasisi ya Light for Domestic Workers (LDW) ambayo inajishughulisha na kutoa elimu kuhusu wafanyakazi wa majumbani kujua haki na majukumu yao, Beatrice Johnson wakati akizungumza kwenye mkutano mkuu wa chama cha wafanyakazi wa mahotelini na majumbani (Chodawu) Jijini Dodoma. Beatrice amesema wafanyakazi wa majumbani wanapitia changamoto nyingi kwenye maeneo yao ya kazi kwa kuwa hakuna sheria inayowalinda kwan...
Read more

NGOs ZAPEWA MWONGOZO WA KULIPA KODI NA TRA

-
Image
 Muhtasari: Mamlaka ya mapato nchini (TRA) imezindua kitabu cha mwongozo wa kulipa kodi kwa asasi za kiraia zinazotokana na fedha wazopata kwa ajili ya miradi mbalimbali inayotekelezwa nchini Na Mwandishi Wetu, Dodoma Ili kupunguza malalamiko ya kodi zinazokatwa kwenye fedha za miradi inayotekelezwa na asasi za kiraia nchini (NGOs) mamlaka ya mapato nchini (TRA) imezindua kitabu cha mwongozo wa kulipa kodi kwa asasi hizo. Kitabu hicho kimezinduliwa  na Kamishna wa kodi za ndani, Alfred Mregi kwa kushirikiana na mtandao wa utetezi wa haki za binadamu (THRDC) Jijini Dodoma. Akizungumza kwenye uzinduzi huo Mkurugenzi wa THRDC, Onesmo Olengurumwa amesema bado kuna faini na riba ambazo huwa zinatozwa na TRA hata kama asasi inakuwa haina mradi unaotekelezwa kwa sababu tu imeshaingizwa kwenye mfumo wa kulipa kodi. Amesema hiyo huwa inasababisha asasi kuwa na madeni makubwa ya kodi pale wanapopata miradi kwani huwa inaonyesha kuwa hawalipi kodi wakati kodi zao huwa zinatokana na fedha...
Read more

TMDA YATOA MSAADA WA DAWA NA VIFAA TIBA VYENYE THAMANI YA SH 24 MILIONI

-
Image
  Muhtasari: Mamlaka ya dawa na vifaa tiba (TMDA) Kanda ya kati imetoa msaada wa vifaa tiba, dawa na vitendanishi vyenye thamani ya Sh24 milion kwenye gereza kuu la Isanga lililoko Mkoani Dodoma kwa ajili ya kuwahudumia wafungwa, mahabusu na askari magereza wapatao 1,489. Na Mwandishi Wetu, Dodoma. WAMILIKI wa maduka ya dawa nchini wametakiwa kufuata masharti ya leseni zao za kufanya biashara hiyo ili wasihatarishe afya za watumiaji. Kauli hiyo imetolewa leo jumanne Juni 18, 2024 na Meneja wa Mamlaka ya dawa na vifaa tiba (TMDA) kanda ya kati, Sonia Mkumbwa wakati akitoa msaada wa dawa, vifaa tiba na vitendanishi vyenye thamani ya Sh24 milion kwenye gereza kuu la Isanga lililopo Mkoani Dodoma. Mkumbwa amesema dawa hizo zimepatikana kwenye msako unaofanywa na mamlaka hiyo kwenye maduka ya dawa na vitendanishi ambavyo vimekuwa vikihifadhiwa kwenye maeneo ambayo hayapaswi kuhifadhiwa. Meneja wa mamlaka ya dawa na vifaa tiba (TMDA) Kanda ya kati, Sonia Mkumbwa (wa tano kulia) a...
Read more